«КӨРСҮӨХ КӨМҮС КҮҺҮН, АЛТЫҺЫАХ АЛТЫННЬЫ ЫЙ» Хайахсыкка азам саастаах дьонно дьоро киэьээ

Алтынньы ый 8 күнүгэр Хайахсыт нэһилиэгэр И.Г. Тимофеев-Теплоухов аатынан «Алаһа» норуот айымньытын дьиэтигэр «КӨРСҮӨХ КӨМҮС КҮҺҮН, АЛТЫҺЫАХ АЛТЫННЬЫ ЫЙ» диэн Хадар, Дирин уонна Хайахсыт нэһилиэктэрин аҕам саастаах дьонун дьоро күнэ үрдүк таһымнаахтык буолан ааста. Дьоро күн «Ретро» хайысхалаахтык тэриллэн ыытылынна. Хас биирдии ыалдьыт 70-80 сыллардааҕы таҥаһы-сабы таҥнан кэлбитэ уруккуну, эдэр эрдэтээҥҥилэрин санатан ыалдьыттар сүргэлэрэ өссө күүскэ көтөҕүлүннэ.

Тэрээһин сүрүн күрэхтэринэн буоллулар: «Уруккуну умнумуохха, эргэ диэн быраҕымыахха» диэн 70-80 сыллардааҕы таҥаһы таҥнан мода көрдөрүүтэ; «Чурапчы-мин дойдум» диэн хомоҕой тыллаах хоһоонньуттар күөн-күрэстэрэ; сүргэни көтөҕөр араас көрдөөх оонньуулар ыытыллан тэрээһин таһымын үрдэттилэр.

Дьоро күнү саха республикатын культуратын туйгуна Валерий Корякин, Хайахсыттааҕы «Хотууна» этно-вокальнай ансамбль уонна Дирин, Хадар, Хайахсыт нэһилиэктэрин норуот айымньытын дьиэтин үлэһиттэрэ ырыанан-тойугунан киэргэттилэр, иилээн-саҕалаан ыыттылар.

Аҕам саастаах дьоммут сүргэлэрэ көтөҕүллэн ырыаларын-тойуктарын, истиҥ иһирэх эҕэрдэлэрин бар дьонноругар анаатылар. Дьоро күн олоҥхо балаҕаныгар оһуохайынан түмүктэннэ. Бары үөрэн-көтөн өссө даҕаны түмсэ туруоҕун диэн баҕа санаалаах тарҕастылар.

Материалы бэлэмнээтэ норуот айымнбытын дьиэтин уус-уран салайааччыта Игнат Каженкин

Муниципальное казенное учреждение «Чурапчинское улусное управление культуры» МО «Чурапчинский улус (район)»

Контактные телефоны:

8 (41151) 41-501 – приемная;

8 (41151) 41-510 – бухгалтерия;

8 (41151) 41-215 – отдел по методической работе;

E-mail администрации: churcultura@mail.ru, otdelpoov14@mail.ru

Адрес: 678670, Республика Саха (Якутия) Чурапчинский улус, с. Чурапча ул. Ярославского 18 «а»