ТЕАТР ҮБҮЛҮЙҮӨЙҮН КӨРСӨ КЫАЙЫЫ КӨТӨЛЛӨНӨН

ТЕАТР ҮБҮЛҮЙҮӨЙҮН КӨРСӨ КЫАЙЫЫ КӨТӨЛЛӨНӨНСэтинньи 23-24 күннэригэр Амма улууһун киинигэр суруйааччы, драматург Дмитрий Федосеевич Наумов 70 сааһын бэлиэтиир республика народнай театрдарын көрүү буолан ааста.

Тыа сирин олоҕун кэпсиир Дмитрий Наумов суруйбут айымньылара театрдар репертуардарыгар олус чиҥник киирдэ. Хас биирдии геройдара бу биһиги аттыбытыгар сылдьар, ыаллыы олорор дьоммут кэриэтэ чугас буолаллар.

“Дэриэбинэм барахсан” диэн ааттаах фестивальга барыта 10 народнай театр уонна 3 самодеятельнай коллективтар кыттыыны ыллылар. Чурапчы улууһуттан Дириннээҕи народнай театр уонна Чурапчытааҕы нарорднай театр 1 түһүмэҕи ааһан кыттыыны ыллыбыт.

Туруорааччы режиссер Иван Бушков 2016 сыллаахха туруорбут Д.Ф.Наумов “Уочарат” уонна “Концерт” диэн кэпсээннэриттэн “Дэриэбинэ” диэн туруоруута дьүүллүүр сүбэ да, көрөөччү да үрдүк хайҕабылын ылла.

Дьүүллүүр сүбэ састаабыгар Саргылана Адамова – Алтан кыыс, СӨ үтүөлээх артыыһа Петр Андреев уонна республикатааҕы нруот айымньытын дьиэтин сүрүннүүр специалиһа Алексей Захаров үлэлээтилэр. Хас биирдии фестивальга көрдөрүү кэнниттэн дьүүллүүр сүбэ ырытыыта буолар. Бу сырыыга хас биирдии дьүүллүүр сүбэ чилиэттэрэ театр артистарын үрдүк таһымнаах оонньууларын, табыгастаах, ордук табыллыбыт түгэннэри сэргии көрбүттэрин туһунан ырыттылар. Спектакль кэнниттэн Д.Ф.Наумов бэйэтинэн тахсан эҕэрдэлээтэ уонна артист Дмитрий Кириллины утары көрөн туран “Мин оруобуна маннык киһини ойуулаабытым кэпсээммэр”- диэн үөртэ.

Киэһэ 19ч.00м. толору көрөөччүлээх Ф.Потапов аатынан культура киинигэр Д.Ф.Наумовка аналлаах дьоро киэһэ уонна фестиваль түмүгүн таһаарыы түгэнэ буолла. Фестиваль түмүгүнэн биһиги театрбыт 1 степеннээх лауреат үрдүк аатын ылла, оттон Иван Бушков “Бастыҥ эр киһи оруола” номинация хаһыыйына буолла.

Дьэ бу курдук, Чурапчытааҕы народнай театр коллектива бэйэтин үбүлүөйдээх сезонун бэрт улахан ситиһиилээх саҕалаата. Аны улууспутугар тохсунньу 6-7 күннэригэр бүтүн республикатааҕы “Алыптаах Мааска” народнай театрдары көрүү фестивала ыытыллар.

Муниципальное казенное учреждение «Чурапчинское улусное управление культуры» МО «Чурапчинский улус (район)»

Контактные телефоны:

8 (41151) 41-501 – приемная;

8 (41151) 41-510 – бухгалтерия;

8 (41151) 41-215 – отдел по методической работе;

E-mail администрации: churcultura@mail.ru, otdelpoov14@mail.ru

Адрес: 678670, Республика Саха (Якутия) Чурапчинский улус, с. Чурапча ул. Ярославского 18 «а»