Муус устар 18 күнүгэр
Чурапчы улууһун култууратын салалтатын начальнигын солбуйааччы Максим Викторович Смирников салалталаах делегация, Амма улууһугар, РСФСР култууратын үтүөлээх үлэһитэ, Саха АССР искусствотын үтүөлээх диэйэтэлэ, ССРС суруйааччыларын сойууһун чилиэнэ, Үлэ Кыһыл знамя уордьанын икки төгүллээх кавалера, Сунтаар улууһун Бочуоттаах олохтооҕо, саха олоҥхотун, ырыатын-тойугун, түһүлгэлээх төрүт үҥкүүтүн үөрэппит, тарҕаппыт Сергей Афанасьевич Зверев-Кыыл Уола төрөөбүтэ 125 сылыгар анаммыт «Ытык бэлиэни» улууспутугар эстафета быһыытынан аҕаллылар!
«Ытык бэлиэни» — туттарыы сиэрэ- туома, тэрээһинэ Алгыстаах Амма сиригэр ыытылынна, тэрээһин ыалдьыты көрсүүттэн Алгыстан саҕаланан, «Оһуор» үңкүүтүн флешмобунан түмүктэнэн сиэрэ ситтэ.
«Ытык бэлиэ» – туохтан уонна хайдах оҥоһуулаах эбитий? Удьурхай тэллэхтээх, сиэдэрэй ситиилээх, Аар Баҕах сэргэлээх, Кыһыл көмүс солотуулаах Кыыл Уола бүүстээх олус дириң ис хоһооннох эбит.
«Ытык бэлиэ» тэрээһинэ хантан саҕаламмытый?
I түһүмэҕэ — 2025 с. олунньу 7 күнүттэн– Нерюнгри куораттан айана саҕаламмыт;
II түһүмэҕэ — 2025 с. олунньу ыйтан — бэс ыйыгар диэри бүтүн Саха сирин улуустарынан айанныыр;
III түһүмэҕэ- 2025 с. бэс ыйын 20-21 күннэригэр Сунтаар улууһугар түмүктэнэрэ былааннанар.
«Ытык бэлиэни» — Тойукка туойуллубут тоҕус томтордоох, ырыаҕа ылламмыт хатыҥ чараҥнаах Чурапчы улууһугар, тоҕус төгүл
АЙХАЛЛААН- УРУЙДААН! Көрүстүлэр!
Улууспутугар баар бары норуот уус-уран айымньытын түмсүүлэрэ оһуохай, хомус, олоҥхо, тойук, норуот ырыатын түһүлгэлэрин, төрүт үгэскэ олоҕурбут оҥоһуктар быыстапкаларын, Сэргэй Сибиэрэп – Кыыл Уола “Оһуор” үҥкүүтүгэр олоҕуран оҥоһуллубут 9 Мэҥэ хамсаныыны нэһилиэктэринэн кэритэн дьоҥҥо- сэргэҕэ көрдөрөн, тэнитэн тарҕатыахтара.
